JINSI YA KUISHI NA VIDONDA VYA TUMBO

Kama una vidonda vya tumbo, matibabu

yako yatategemea sababu ya vidonda vya

tumbo. Kama ni bakteria H.pylori, dawa za

kuua na kuondoa bakteria hutumiwa.

Kama ni Non-Steroidal Anti-Inflamantory

Drugs 'NSAIDS' mfano Aspirin & Ibuprofen

utapaswa kutumia Proton Pump Inhibitor

'PPI' mfano Omeprazole & Esomeprazole.

Ingawa matibabu ya siku hizi husisitiza

kuchanganya dawa za kuua bakteria na

Proton Pump Inihibitors 'PPI'.

Mambo yafuatayo yatakusaidia kuishi vizuri

ukiwa na 'Vidonda Vya Tumbo':-

1.     Acha kutumia kahawa na chai, kwa

maana vitu hivi huongeza kiwango cha

asidi kinachotengenezwa na tumbo lako.

Unaweza tumia chai ya mitishamba 'Herbal

tea' kama mbadala.

2.      Kunywa maziwa na ule vitokanavyo na

maziwa kama maziwa mgando 'Yoghurt',

jibini 'Cheese'. Maziwa hufikiriwa kufunika

utumbo na kupunguza athari za asidi ya

tumboni.

3.      Jitahidi kupunguza uzito kama uzito

umezidi na hauendani na kimo chako.

4.      Kula walau kidogo mara kwa mara. Hii

itasaidia kupunguza athari za asidi

inayotengenezwa na tumbo.

5.      Acha au kunywa vileo siku maalumu tu

kwa maana unywaji wa pombe mara kwa

mara hutonesha kwenye vidonda vya

tumbo vinavyotaka kupona.

6.      Epuka matumizi ya viungo vya vyakula

kwa maana hufanya hali kuwa mbaya zaidi.

7.      Acha kuvuta sigara/tumbaku/bangi.

Uvutaji wa sigara utakuweka kwenye hatari

zaidi ya kuanza vidonda vipya na kuzuia

vidonda vingine visipone.